Nós

Gaener

Gaener é unha organización que nace da ilusión dun equipo multidisciplinar de profesionais que combinaron as súas capacidades formativas, creatividade, experiencia e capacidade de xestión para ofrecer valores como a excelencia, o compromiso e a diferenciación do servizo ofrecido, todo isto fomentando a sostibilidade ambiental así como estritos principios éticos para levar a cabo unha transparente xestión corporativa.

Como Oficina Técnica, estas características profesionais permítennos ofrecer servizos técnicos como xestión e captación de subvencións ou financiamento para investimentos ou accións no campo da eficiencia enerxética, así como a redacción de informes e proxectos técnicos.

Así mesmo, dentro da sección de Arquitectura e Construción consideramos salientable a emisión de informes (LEEx, patoloxías, xustificacións, etc.), a redacción de proxectos técnicos (anteproxectos e de execución), a xestión de medidas de seguridade preventiva en edificios protexidos, a proxección e execución de melloras na accesibilidade de edificios/vivendas e rehabilitación integral de edificios tanto a nivel interior como exterior, prevalecendo nesta sección, a Rehabilitación enerxética de edificios con máis de 1.000 referencias.

Finalmente, dentro da sección de Eficiencia Enerxética, as accións e / ou servizos que realizamos resúmense no seguimento e xestión dos recursos enerxéticos, na consultoría e deseño de instalacións eficientes, na renovación de instalacións e na realización das certificacións pertinentes con máis de 500 referencias.